ആമസോണിലെ പുളിങ്കുരുവിന്റെ വില കണ്ടാൽ നിങ്ങൾ ഞെട്ടും

 

കൊ​ച്ചി: 

ആമസോണിലെ പുളിങ്കുരുവിന്റെ വില കണ്ട് ഞെട്ടിയിരിക്കുകയാണ് മലയാളികൾ. പുളിയെടുത്ത് പു‍ളി​ങ്കു​രു വെറുതേ വലിച്ചെറിഞ്ഞിരുന്ന നിമിഷങ്ങളെ നമ്മൾ ശപിക്കാൻ പാകത്തിനാണ് ഇന്ന് പുളിങ്കുരുവിന്റെ വില. എന്തോരം പുളിങ്കുരു അന്ന് നമ്മളൊക്കെ വെറുതേ ചുട്ട് തിന്നിട്ടുണ്ട്, ഇടിച്ചു പുട്ടുണ്ടാക്കിയിട്ടുണ്ട്. എന്നാൽ ഇന്നിപ്പോൾ കാലം മാറി കഥകൾ മാറി. അ​ന്ന​ത്തെ ആ ​പു​ളി​ങ്കു​രു ഇ​ന്ന് ന​ല്ല ഗ​മ​യോ​ടെ ഓ​ണ്‍​ലൈ​ന്‍ വ്യാ​പാ​ര സൈ​റ്റു​ക​ളി​ല്‍ ക​യ​റി​യി​രി​പ്പു​ണ്ട്. അ​തും നമ്മൾ മലയാളികളെ ഞെ​ട്ടി​ക്കു​ന്ന വി​ല​യി​ല്‍.

ആ​മ​സോ​ണി​ല്‍ കാ​ല്‍ കി​ലോ​ക്ക് 149 രൂ​പ, അ​ര കി​ലോ​ക്ക് 399 രൂ​പ, വ​റു​ത്ത​താ​ണെ​ങ്കി​ല്‍ 900 ഗ്രാ​മി​ന് 299 രൂ​പ എ​ന്നി​ങ്ങ​നെ പോ​കു​ന്നു വി​ല. ഫ്ലി​പ്കാ​ര്‍​ട്ടി​ലെ​ത്തു​മ്പോള്‍ 100 ഗ്രാ​മി​ന് 125, 50 കു​രു​വു​ള്ള പാ​ക്ക​റ്റി​ന് 149, ആ​യി​രം കു​രു​വു​ള്ള ഒ​രു കി​ലോ പാ​ക്ക​റ്റി​ന് 649, വ​റു​ത്തെ​ടു​ത്ത 200 കു​രു​ക്ക​ള​ട​ങ്ങി​യ പാ​ക്ക​റ്റി​ന് 120 രൂ​പ എ​ന്നി​ങ്ങ​നെ​യാ​ണ് വി​ല. ഇ​വ​ക്കെ​ല്ലാം കീ​ഴി​ല്‍ പ​ല​രും വാ​ങ്ങി ഉ​പ​യോ​ഗി​ച്ച​തിെന്‍റ അ​ഭി​പ്രാ​യ​വും രേ​ഖ​പ്പെ​ടു​ത്തി​യി​ട്ടു​ണ്ട്. പു​ളി​യും കു​രു​വും മാ​ത്ര​മ​ല്ല, പു​ളി​ങ്കു​രു പൊ​ടി​ച്ച​തും കി​ട്ടും ഓ​ണ്‍​ലൈ​നി​ല്‍.

നാട്ടിൻ പുറങ്ങളിൽ നിന്ന് കാണാതായെങ്കിലും നമ്മുടെ കു​ന്നി​ക്കു​രു​വും മ​ഞ്ചാ​ടി​ക്കു​രു​വു​മൊ​ക്കെ ഓ​ണ്‍​ലൈ​നി​ല്‍ സുലഭമായി ലഭിയ്ക്കുന്നുണ്ട്. അല്ലെങ്കിലും കണ്ണുള്ളപ്പോൾ നമുക്കതിന്റെ വിലയറിയില്ലല്ലോ. പുളിങ്കുരുവിന് ധാരാളം ഗുണങ്ങളുണ്ട്. അതുകൊണ്ട് തന്നെയാണ് കാലം മാറും തോറും അതിന്റെ മൂല്യം കൂടുന്നതും.

അതേസമയം, ഒരുകാലത്ത് നമ്മളൊക്കെ വെറുതേ പെറുക്കിക്കൂട്ടി വച്ചിരുന്ന മ​ഞ്ചാ​ടി​ക്കു​രു പാ​ക്ക​റ്റി​ന് 145 രൂ​പയാണ് ആമസോണിൽ. 500 എ​ണ്ണ​ത്തി​ന്റെ പാക്കറ്റിന് 495 രൂ​പയും. ഇത് ആമസോണിലെ വിലയാണെങ്കിൽ ഫ്ലിപ്കാർട്ടിൽ എത്തുമ്പോൾ കളി മാറുന്നു. 500 ഗ്രാ​മി​ന് 749 രൂ​പയാണ് ഇവിടെ മഞ്ചാടിക്കുരുവിന്. കാലം പോയൊരു പോക്കേ.