രണ്ടാം ക്ലാസ്സ് വിദ്യാർത്ഥിധ്യാൻകൃഷ്ണയ്ക്ക് ഇന്ത്യ ബുക്ക് ഓഫ് റിക്കാർഡ്

പയ്യന്നൂർ.കണ്ടോത്ത് എ.എൽ.പി.സ്കൂളിൽ രണ്ടാം തരത്തിൽ പഠിക്കുന്ന ധ്യാൻ കൃഷ്ണയെ ഇന്ത്യ ബുക്ക് ഓഫ് റെക്കാർഡിന് തെരഞ്ഞെടുത്തു. ലാപ് ടോപ്പിൽ ഉബുണ്ടു 18.04 വേർഷനിൽ 56 മലയാളം അക്ഷരങ്ങൾ 59 സെക്കൻ്റിലും 9 മലയാള വാക്യങ്ങൾ 3 മിനുട്ടിനുള്ളിലും ടൈപ് ചെയ്തതിനാണ് അവാർഡ്. പയ്യന്നൂർ കണ്ടോത്ത് കോത്തായി മുക്കിലെ പി.രാജീവൻ _ പി.സജിത ദമ്പതിമാരുടെ മകനാണ് ധ്യാൻ കൃഷ്ണ. ആയിരത്തിലധികം പൊതു വിജ്ഞാന ചോദ്യോത്തരങ്ങൾ ധ്യാൻ കൃഷ്ണ ടൈപ്പ് ചെയ്ത് വെച്ചിട്ടുണ്ട്.