ന്യൂഡൽഹി: ഗൂഗിൾ ക്രോം ബ്രൗസർ ഉപയോഗിക്കുന്നവർക്ക് കേന്ദ്ര ഐ.ടി. വകുപ്പിന്റെ സുരക്ഷാ മുന്നറിയിപ്പ്.

⭕ *വ്യക്തിഗത വിവരങ്ങള്‍ ചോരും; ഗൂഗിള്‍ ക്രോം അപ്ഡേറ്റ് ചെയ്യാന്‍ മുന്നറിയിപ്പ്, എങ്ങനെ ചെയ്യാം?*

ഈ ബ്രൗസർ ഉപയോഗിക്കുന്നവർ ഉടൻതന്നെ അപ്ഡേറ്റ് ചെയ്യണമെന്ന് ഇന്ത്യൻ കംപ്യൂട്ടർ എമർജൻസി റെസ്പോൺസ് ടീം (സെർട്-ഇൻ) വ്യക്തമാക്കി. സ്ക്രീനിന്റെ മുകളിൽ വലതുവശത്തായി വരുന്ന അപ്ഡേറ്റ് ഓപ്ഷനിൽ ക്ലിക്ക് ചെയ്ത് ക്രോമിന്റെ അടുത്ത വേർഷനിലേക്ക് മാറാവുന്നതാണ്.

ഗൂഗിൾ ക്രോം ബ്രൗസറിൽ ഒട്ടേറെ സുരക്ഷാ പ്രശ്നങ്ങൾ കണ്ടെത്തിയതിനെത്തുടർന്നാണിത്. ഈ പ്രശ്നങ്ങൾ കാരണം അകലെയിരുന്നുകൊണ്ടുതന്നെ നിശ്ചിത സിസ്റ്റത്തിൽ നുഴഞ്ഞുകയറി അക്രമികൾക്ക് വ്യക്തിഗത വിവരങ്ങൾ ചോർത്തി മാൽവെയറുകൾ നിക്ഷേപിക്കാനുമാകും.

ഈ സാഹചര്യത്തിലാണ് ഗൂഗിൾ പുതിയ അപ്ഡേറ്റ് ഇറക്കിയത്. പുതിയ സോഫ്റ്റ്വെയർ അപ്ഡേറ്റ് ഇൻസ്റ്റാൾ ചെയ്യാൻ ഐ.ടി. വകുപ്പും ഗൂഗിളും ഉപയോക്താക്കൾക്ക് നിർദേശം നൽകി. പുതിയ അപ്ഡേറ്റിന് 22 സുരക്ഷാ പ്രശ്നങ്ങൾ പരിഹരിക്കാൻ സാധിക്കുമെന്നാണ് ഗൂഗിൾ പറയുന്നത്. ഇവയിൽ ഭൂരിഭാഗവും കണ്ടെത്തിയത് പുറമേനിന്നുള്ള ഗവേഷകരാണെന്നും അവർ വ്യക്തമാക്കി.

*ഗൂഗിൾ ക്രോം എങ്ങനെ അപ്ഡേറ്റ് ചെയ്യാം?*

ഗൂഗിൾ ക്രോം ബ്രൗസർ തുറക്കുക

വലത് വശത്ത് മൂലയിൽ കാണുന്ന ത്രീ ഡോട്ട് മെനു ക്ലിക്ക് ചെയ്യുക

Settings - About Chrome തുറക്കുക

ക്രോം വേർഷൻ ഓട്ടോ മാറ്റിക് ആയി അപ്ഡേറ്റ് ആവും.

അപ്ഡേറ്റ് പൂർത്തിയായതിന് ശേഷം ബ്രൗസർ റീലോഞ്ച് ചെയ്യുക.