കണ്ണൂർ സർവ്വകലാശാല പ്രധാന അറിയിപ്പുകൾ

പഠന സഹായി വിതരണം 

വിദൂര വിദ്യാഭ്യാസ വിഭാഗത്തിന്  കീഴിൽ ഗവ: ബ്രണ്ണൻ കോളേജ് തലശ്ശേരി, കെ എം എം ഗവ: വിമൻസ് കോളേജ് കണ്ണൂർ, എസ് എൻ കോളേജ് കണ്ണൂർ എന്നീ കോളേജുകൾ പരീക്ഷ കേന്ദ്രങ്ങളായി തെരഞ്ഞെടുത്തിട്ടുള്ള മൂന്നാം വർഷ ബികോം  ബിരുദ വിദ്യാർത്ഥികളുടെ സ്വയം പഠന സഹായികൾ 15:01.2022 ശനിയാഴ്ചയും ബി എ,ബി ബി എ മൂന്നാം വർഷ ബിരുദ  വിദ്യാർത്ഥികളുടെ സ്വയം പഠന സഹായികൾ 17.01,2022 തിങ്കളാഴ്ചയും കണ്ണൂർ സർവകലാശാല താവക്കര ക്യാമ്പസ്സിൽ വെച്ച്  വിതരണം ചെയ്യുന്നു.

സ്വയം പഠന സഹായികൾ കൈപ്പറ്റാൻ വരുന്ന വിദ്യാർത്ഥികൾ നിർബന്ധമായും കോവിഡ് മാനദണ്ഡങ്ങൾ പാലിക്കുകയും സർവകലാശാല  നൽകിയ ഐ ഡി കാർഡ്, ഫീ അടച്ചതിന്റെ  രസീത് എന്നിവ ഹാജരാക്കുകയും വേണം.

സമ്പർക്ക ക്ലാസ് 

കണ്ണൂർ സർവകലാശാല വിദൂര വിദ്യാഭ്യാസ വിഭാഗം മൂന്നാം വർഷ ബിരുദ വിദ്യാർത്ഥികളുടെ സമ്പർക്ക ക്ലാസുകൾ 2022  ജനുവരി 15, 16  തീയതികളിലായി (Saturday & Sunday 10 am  to  4 pm ) എസ് എൻ കോളേജ് കണ്ണൂർ,   സെൻറ്  ജോസഫ് കോളേജ്  പിലാത്തറ, സർ സയ്യിദ് കോളേജ് തളിപ്പറമ്പ, എൻ എ എസ്  കോളേജ് കാഞ്ഞങ്ങാട്   എന്നീ      പഠന കേന്ദ്രങ്ങളിൽ നടത്തുന്നു . വിശദാംശങ്ങൾക്കായി വെബ് സൈറ്റ് സന്ദർശിക്കുക.

വൈവ

പത്താം  സെമസ്റ്റർ ബി. എ. എൽഎൽ. ബി. റഗുലർ, മെയ്  2021 കോഴ്‌സ് വൈവ   18.01.2022 ന് സ്കൂൾ ഓഫ് ലീഗൽ സ്റ്റഡീസിൽ വെച്ച് നടക്കും.  രജിസ്റ്റർ ചെയ്ത വിദ്യാർഥികൾ പരീക്ഷാ കേന്ദ്രവുമായി  ബന്ധപ്പെടുക .