സ്വർണക്കപ്പിനായി കടുത്ത പോരാട്ടം; കലോത്സവത്തിൽ നാലാം ദിനവും കണ്ണൂർ മുന്നിൽ

കോഴിക്കോട്: 61 ാം സംസ്ഥാന സ്‌കൂൾ കലോത്സവത്തിൽ സ്വർണക്കപ്പിനായി ഇഞ്ചോടിഞ്ച് പോരാട്ടം. കലോത്സവം നാലാം ദിവസത്തിലേക്ക് കടന്നപ്പോൾ 683 പോയിന്റുമായി കണ്ണൂരാണ് ഒന്നാമത്.679 പോയിന്റ് വീതം നേടി പാലക്കാടും കോഴിക്കോടും തൊട്ടു പിന്നിലുണ്ട്.

തിരുവാതിരകളി, സംഘനൃത്തം, നാടകം, ഭരതനാട്യം, പരിചമുട്ട് തുടങ്ങിയ ഇനങ്ങൾ ഇന്ന് വേദികളിലെത്തും. കലോത്സവത്തിന് നാളെ തിരശ്ശീല വീഴും.

മൂന്നാം ദിനമായ ഇന്നലെ ഹൈസ്‌കൂൾ വിഭാഗം ഓട്ടന്‍ തുള്ളൽ, ഒപ്പന തുടങ്ങിയ ജനപ്രിയ ഇനങ്ങളാണ് വേദിയിൽ അരങ്ങേറിയത്.