വാഹനപരസ്യം വഴിയും തട്ടിപ്പ്; വീഴാതെ സൂക്ഷിച്ചോളൂ

പണം തട്ടിപ്പുകാർ ഏതു വഴിയിലൂടെയും വരാം. പുതിയ രൂപഭാവങ്ങളിൽ. ഇത്തരത്തിലുള്ള ചില തട്ടിപ്പുകാരാണ് വാഹന വില്പനയുടെ പേരിൽ ഇപ്പോൾ എത്തിയിട്ടുള്ളത്.

സൈനികരുടെ പേരിലാണ് വീണ്ടും തട്ടിപ്പു നടന്നുകൊണ്ടിരിക്കുന്നത്. ഏതാനും ദിവസങ്ങൾക്കു മുമ്പ് വീട് വാടകയ്ക്ക് ആവശ്യമുണ്ടെന്നു പരസ്യം നൽകി അതിനു പ്രതികരിക്കുന്നവരെ തട്ടിപ്പിന് ഇരയാക്കുന്ന സംഭവങ്ങൾ സംസ്ഥാനത്തിന്റെ പല ഭാഗങ്ങളിൽ നിന്ന് റിപ്പോർട്ട് ചെയ്തിരുന്നു. ഇപ്പോൾ പട്ടാളക്കാരുടെ വാഹനങ്ങൾ വിൽക്കാനുണ്ടെന്നു പരസ്യപ്പെടുത്തിയാണ് തട്ടിപ്പ് അരങ്ങേറുന്നത്.