എഐ ക്യാമറ പിഴ;12 വയസില്‍ താഴെയുളള കുട്ടികള്‍ക്ക് താല്‍ക്കാലിക ഇളവ്

തിരുവനന്തപുരം :

സംസ്ഥാനത്ത് പുതുതായി സ്ഥാപിച്ച എഐ ക്യാമറകള്‍ കണ്ടെത്തുന്ന ട്രാഫിക് നിയമലംഘനങ്ങള്‍ക്ക് ജൂണ്‍ അഞ്ച് മുതല്‍ പിഴ ഈടാക്കുമെന്ന് ഗതാഗത വകുപ്പ് മന്ത്രി ആന്റണി രാജു അറിയിച്ചു. കേന്ദ്ര സര്‍ക്കാര്‍ തീരുമാനം വരുന്നത് വരെ 12 വയസില്‍ താഴെയുള്ള കുട്ടിയുമായി ഇരുചക്ര വാഹനത്തില്‍ യാത്ര ചെയ്താല്‍ പിഴ ഈടാക്കില്ല.

ഇരുചക്ര വാഹനത്തില്‍ കുട്ടികളെ കയറ്റുന്നതുമായി ബന്ധപ്പെട്ടുളള മോട്ടോര്‍ വാഹന നിയമ ഭേദഗതിക്കായി കേന്ദ്രത്തോട് ആവശ്യപെട്ട് കത്തയച്ചിട്ടുണ്ട്. കേന്ദ്ര തീരുമാനം വന്നതിന് ശേഷം മാത്രമേ, 12 വയസില്‍ താഴെയുള്ള കുട്ടിയുമായി ഇരു ചക്ര വാഹനത്തില്‍ യാത്ര ചെയ്താല്‍ പിഴയീടാക്കുകയുള്ളെന്നും പൊതു വികാരം കണക്കിലെടുത്താണ് ഈ തീരുമാനമെന്നും മന്ത്രി അറിയിച്ചു. ഗതാഗതമന്ത്രി വിളിച്ച ഉന്നത തല യോഗത്തിലാണ് ഇത് സംബന്ധിച്ച് തീരുമാനമെടുത്തത്.