മെഡിസെപ് ഇനി വിരൽത്തുമ്പിൽ; മൊബൈൽ ആപ്പ് ഉദ്ഘാടനം ഇന്ന്
തിരുവനന്തപുരം: സർക്കാർ ജീവനക്കാർക്കും പെൻഷൻകാർക്കും അവരുടെ ആശ്രിതർക്കുമായി നടപ്പാക്കിയ ആരോഗ്യ ഇൻഷുറൻസ് പദ്ധതിയായ മെഡിസെപ്പിന്റെ മൊബൈൽ ആപ്ലിക്കേഷൻ ഉദ്ഘാടനം ഇന്ന്. മെഡിസെപ് കൂടുതൽ ഉപഭോക്തൃ സൗഹൃദമാക്കുന്നതിനായാണ് ആപ്പ് ഒരുക്കിയിരിക്കുന്നത്. ഇന്ന് വൈകിട്ട് ആറ് മണിക്ക് തിരുവനന്തപുരം ഐഎംജിയിലെ ‘പദ്മം’ ഹാളിൽ മുഖ്യമന്ത്രി പിണറായി വിജയൻ ആപ്പിന്റെ ഉദ്ഘാടനം നിർവ്വഹിക്കും.
ധനകാര്യ വകുപ്പ് സോഫ്റ്റ് വെയർ ഡിവിഷൻ ആണ് മൊബൈൽ ആപ്പ് തയ്യാറാക്കിയത്. മെഡിസെപ് പദ്ധതി ആരംഭിച്ച് പത്തുമാസത്തിനുള്ളിൽ 592 കോടിയോളം രൂപയുടെ ചികിത്സാ പരിരക്ഷ നൽകിയതായി അധികൃതർ അറിയിച്ചു.
About Soorya
No comments
Post a Comment