കണ്ണൂർ സെൻട്രൽ ജയിലിൽ സംഘർഷം; കാപ്പ പ്രതിക്ക് പരിക്ക്

കണ്ണൂർ : കണ്ണൂർ സെൻട്രൽ ജയിലിൽ സംഘർഷം. സെൻട്രൽ ജയിലിലെ പത്താം ബ്ലോക്കിൽ നടന്ന സംഘർഷത്തിൽ കാപ്പ പ്രതിയായ പാവങ്ങാട് സ്വദേശി രതീഷി(30)നാണ് പരിക്കേറ്റത്. മൂക്കിന് സാരമായി പരിക്കേറ്റ രതീഷിനെ പരിയാരം മെഡിക്കൽ കോളേജിൽ പ്രവേശിപ്പിച്ചു. മരത്തിന്റെ കട്ട ഉപയോഗിച്ചാണ് അക്രമിച്ചത്. പന്തീരകാവ് സ്വദേശിയും കാപ്പ തടവുകാരനുമായ രാജേഷിൻ്റെ നേതൃത്വത്തിലാണ് അക്രമം നടന്നത്. ടി.വി.യുടെ റിമോട്ട് നൽകാത്തതിനെ തുടർന്നുള്ള തർക്കമാണ് അക്രമത്തിൽ കലാശിച്ചത്.