തിയേറ്ററില്‍ ആരവം; ‘ജയിലറി’ലെ മോഹന്‍ലാലിന്റെ വേഷത്തിന് ഗംഭീര വരവേല്‍പ്പ്
നെല്‍സണ്‍ ദിലീപ്കുമാറിന്റെ സംവിധാനത്തില്‍ സൂപ്പര്‍സ്റ്റാര്‍ രജനികാന്ത് നായകനായെത്തുന്ന ‘ജയിലര്‍’ ന് വന്‍വരവേല്‍പ്പാണ് ലഭിച്ചിരിക്കുന്നത്. സണ്‍ പിക്ചേഴ്സിന്റെ ബാനറില്‍ കലാനിധിമാരന്‍ നിര്‍മിക്കുന്ന ജയിലര്‍ ശ്രീ ഗോകുലം മൂവീസിന്റെ ബാനറില്‍ ഗോകുലം ഗോപാലനാണ് കേരളത്തിലെത്തിച്ചത്.ഡ്രീം ബിഗ് ഫിലിംസാണ് ചിത്രത്തിന്റെ ഡിസ്ട്രിബ്യുഷന്‍ പാര്‍ട്ണര്‍.
‘അണ്ണാത്തെ’ എന്ന ചിത്രത്തിന് ശേഷം രണ്ട് വര്‍ഷങ്ങള്‍ക്കിപ്പുറമാണ് രജനി ചിത്രം തിയേറ്ററുകളിലെത്തിയത്. വമ്പന്‍ താരനിര അണിനിരക്കുന്ന ചിത്രത്തില്‍ മോഹന്‍ലാല്‍ രജനികാന്തിനൊപ്പമെത്തുന്നു പ്രത്യേകതയും ഈ ചിത്രത്തിനുണ്ട്. അതിഥി താരമായെത്തുന്ന മോഹന്‍ലാലിന്റെ പ്രകടനത്തിന് മികച്ച അഭിപ്രായമാണ് ലഭിച്ചുകൊണ്ടിരിക്കുന്നത്. ട്വിറ്റര്‍ മുതലായ സമൂഹമാധ്യമങ്ങളില്‍ ജയിലറിനൊപ്പം മോഹന്‍ലാലിന്റെ പേര് തരംഗമാവുകയാണ്. മാത്യു എന്ന കഥാപാത്രത്തെയാണ് ചിത്രത്തില്‍ മോഹന്‍ലാല്‍ അവതരിപ്പിക്കുന്നത്.
രമ്യകൃഷ്ണന്‍, മിര്‍ണ മേനോന്‍, തമന്ന എന്നിവരാണ് ചിത്രത്തിലെ നായികമാര്‍. വിനായകന്‍, ശിവ്രാജ് കുമാര്‍, ജാക്കി ഷ്റോഫ്, സുനില്‍ തുടങ്ങിയ വമ്പന്‍ താരനിരയും ചിത്രത്തില്‍ അണിനിരക്കുന്നുണ്ട്. അനിരുദ്ധ് സംഗീത സംവിധാനം നിര്‍വഹിക്കുന്നു. സ്റ്റണ്ട് ശിവയാണ് ചിത്രത്തിന്റെ ആക്ഷന്‍. വിജയ് കാര്‍ത്തിക് കണ്ണനാണ് ഛായാഗ്രാഹണം.
About Soorya
No comments
Post a Comment