കണ്ണൂര്‍ ജില്ല കളക്ടറായി പ്രവേശന പരീക്ഷ കമ്മീഷണര്‍ അരുണ്‍ കെ വിജയന്‍ ഐ.എ.എസ് ചുമതല ഏല്‍ക്കും
സംസ്ഥാനത്ത് ഐഎഎസ് തലത്തില്‍ അഴിച്ചുപണി. ആറു ജില്ലകളിലെ കളക്ടര്‍മാരെ മാറ്റി. ആലപ്പുഴ, പത്തനംതിട്ട, കൊല്ലം, കണ്ണൂര്‍, കോഴിക്കോട്, മലപ്പുറം എന്നീ ജില്ലകളിലെ കളക്ടര്‍മാരെയാണ് മാറ്റിയത്. പത്തനംതിട്ട കളക്ടര്‍ ദിവ്യ എസ് അയ്യരെ വിഴിഞ്ഞം പോര്‍ട്ട് എംഡിയായി നിയമിച്ചു. ആലപ്പുഴ കളക്ടര്‍ ഹരിത വി കുമാര്‍ മൈനിങ് ജിയോളജി ഡയറക്ടര്‍ ആയി നിയമിച്ചു. ഭൂജല വകുപ്പ് ഡയറക്ടര്‍ ജോണ്‍ വി. സാമുവലാണ് പുതിയ ആലപ്പുഴ ജില്ലാ കളക്ടര്‍.
അദീല അബ്ദുല്ലയ്ക്ക് പകരമാണ് ദിവ്യ എസ് അയ്യരുടെ നിയമനം. വിഴിഞ്ഞം തുറമുഖത്തേക്ക് ഞായറാഴ്ച കപ്പല്‍ എത്തുന്നതിന് തൊട്ടുമുമ്പാണ് എംഡിയെ മാറ്റുന്നത്. എ ഷിബുവാണ് പുതിയ പത്തനംതിട്ട കളക്ടര്‍. മലപ്പുറം കളക്ടര്‍ പ്രേംകുമാറിനെ പഞ്ചായത്ത് ഡയറക്ടര്‍ ആയി നിയമിച്ചു. ഭക്ഷ്യസുരക്ഷ കമ്മീഷണര്‍ വിനോദ് വി ആര്‍ ആണ് പുതിയ മലപ്പുറം കളക്ടര്‍.
പ്രവേശന പരീക്ഷ കമ്മീഷണര്‍ അരുണ്‍ കെ വിജയന്‍ കണ്ണൂര്‍ കളക്ടര്‍ ആയി സ്ഥാനമേല്‍ക്കും. മൈനിങ് ആന്‍ഡ് ജിയോളജ് വകുപ്പ് ഡയറക്ടര്‍ ദേവദാസ് ആണ് പുതിയ കൊല്ലം കളക്ടര്‍. സ്‌നേഹജ് കുമാറിവെ കോഴിക്കോട് കളക്ടറായും നിയമിച്ചു.
About Soorya
No comments
Post a Comment