നവകേരള സദസ് കഴിഞ്ഞ് മുഖ്യമന്ത്രിക്ക് നേരെ കരിങ്കൊടി പ്രതിഷേധം: യൂത്ത് കോണ്‍ഗ്രസ്-കെഎസ്‌യു പ്രവര്‍ത്തകര്‍ കസ്റ്റഡിയില്‍
കോഴിക്കോട്: കോഴിക്കോട് മുഖ്യമന്ത്രിക്ക് നേരെ യൂത്ത് കോണ്‍ഗ്രസ്-കെഎസ്‌യു പ്രവര്‍ത്തകരുടെ കരിങ്കൊടി പ്രതിഷേധം. നവകേരള സദസ് കഴിഞ്ഞ് വടകരയിൽ നിന്ന് കോഴിക്കോട്ടേക്ക് മടങ്ങുന്നതിനിടെ വെങ്ങാലിയില്‍ വച്ചായിരുന്നു പ്രതിഷേധം. സംഭവത്തില്‍ യൂത്ത് കോണ്‍ഗ്രസ്-കെഎസ്‌യു പ്രവര്‍ത്തകരെ പൊലീസ് കസ്റ്റഡിയിലെടുത്തിട്ടുണ്ട്.
അഞ്ചോളം പ്രവര്‍ത്തകരാണ് കരിങ്കൊടി പ്രതിഷേധം നടത്തിയത്. എലത്തൂര്‍ പൊലീസാണ് പ്രവര്‍ത്തകരെ കസ്റ്റഡിയിലെടുത്തത്. നാളെയും പ്രതിഷേധം ഉണ്ടാകുമെന്ന് യൂത്ത് കോണ്‍ഗ്രസ്-കെഎസ്‌യു പ്രവര്‍ത്തകര്‍ അറിയിച്ചു.
അതേസമയം കോഴിക്കോട് ജില്ലയിലെ 4 മണ്ഡലങ്ങളിലെ നവകേരള സദസ് പൂര്‍ത്തിയായി. നാദാപുരം നിയോജക മണ്ഡലം നവകേരള സദസ്സില്‍ 3985 നിവേദനങ്ങളാണ് ലഭിച്ചത്. പേരാമ്പ്ര നിയോജക മണ്ഡലം നവകേരള സദസ്സില്‍ 4316 നിവേദനങ്ങള്‍ സ്വീകരിച്ചു. കുറ്റ്യാടിയില്‍ 3963 നിവേദനങ്ങളും വടകരയില്‍ 2588 നിവേദനങ്ങളും ലഭിച്ചു.
About Soorya
No comments
Post a Comment