മന്ത്രിമാരായി ചുമതലയേറ്റ് കെ ബി ഗണേഷ് കുമാറും കടന്നപ്പള്ളി രാമചന്ദ്രനും

തിരുവനന്തപുരം: മന്ത്രിമാരായി ചുമതലയേറ്റ് കെ ബി ഗണേഷ് കുമാറും രാമചന്ദ്രൻ കടന്നപ്പള്ളിയും. രാജ്ഭവനിലെ പ്രത്യേക വേദിയിൽ നടന്ന ചടങ്ങിൽ ഗവർണർ ആരിഫ് മുഹമ്മദ് ഖാനാണ് ഇരുവർക്കും സത്യവാചകം ചൊല്ലിക്കൊടുത്തത്. ആന്റണി രാജുവും അഹമ്മദ് ദേവർകോവിലും സ്ഥാനം ഒഴിഞ്ഞതിനെ തുടർന്നാണ് ഇരുവരും മന്ത്രിമാരായി ചുമതലയേറ്റത്.

ഗതാഗത വകുപ്പാണ് കെ ബി ഗണേഷ് കുമാറിന് നൽകുന്നത്. ഗണേഷ് കുമാറിന് സിനിമാ വകുപ്പ് നൽകണമെന്ന് ആവശ്യപ്പെട്ട് നേരത്തെ കേരള കോൺഗ്രസ് (ബി) കത്തു നൽകിയിരുന്നു. തുറമുഖ- പുരാവസ്തു വകുപ്പാണ് കടന്നപ്പള്ളിക്ക് ലഭിക്കുന്നത്.