മണൽകടത്ത് ഒരാൾ പിടിയിൽ, മൂന്ന് വാഹനങ്ങൾ കസ്റ്റഡിയിൽ

കണ്ണപുരം: അനധികൃതമായി മണൽ കടത്തികൊണ്ടു പോകുകയായിരുന്ന രണ്ട് ടിപ്പർ ലോറികളും പിക് അപ്പും പോലീസ് പിടികൂടി. ഡ്രൈവർമാരിൽ ഒരാൾ പിടിയിൽ. രണ്ടു പേർ രക്ഷപ്പെട്ടു. ഇന്ന് രാവിലെ ഇരിണാവ് വെച്ച് കെ.എൽ.55.8790,കെ എ ൽ.41. 3190 നമ്പർ ടിപ്പർ ലോറികളും കണ്ണപുരം തെക്കുമ്പാട് റോഡിൽ വെള്ളറങ്ങൽ കട്ടക്കുളത്തു വെച്ച് കെ.എൽ.42. എഫ്. 6570 നമ്പർ പിക് അപ്പുമാണ് കണ്ണപുരം സ്റ്റേഷൻ പോലീസ് ഇൻസ്പെക്ടർ ഷാജി പട്ടേരിയുടെ നേതൃത്വത്തിൽ സിവിൽ പോലീസ് ഓഫീസർമാരായ അനൂപ്,സിജു, രജിൽ എന്നിവരടങ്ങിയ സംഘം പിടികൂടിയത്.മണൽ ലോറി ഡ്രൈവർ മടക്കരയിലെ റഫീഖിനെ സംഭവ സ്ഥലത്ത് നിന്നും പോലീസ് പിടികൂടി. മണൽ ലോറികൾ പോലീസ് കസ്റ്റഡിയിലെടുത്തു.