പി.എസ്.സി പ്രൊഫൈൽ ലോഗിൻ ചെയ്യാൻ ഇനി ഒ.ടി.പിയും

ഉദ്യോഗാർഥികൾക്ക് പി എസ് സിയുടെ പ്രൊഫൈൽ ലോഗിൻ ചെയ്യാൻ ഇനി ഒ ടി പിയും. ജൂലായ് ഒന്ന് മുതൽ ഇത് നടപ്പാക്കും.

നിലവിൽ യൂസർ ഐ ഡിയും പാസ്‌വേഡും ഉപയോഗിച്ചാണ് ലോഗിൻ ചെയ്യുന്നത്. കൂടുതൽ സുരക്ഷക്ക് വേണ്ടിയാണ് ഒ ടി പി കൂടി ഏർപ്പെടുത്തുന്നത്. രജിസ്റ്റർ ചെയ്തിട്ടുള്ള മൊബൈൽ നമ്പർ, ഇ-മെയിൽ എന്നിവയിലേക്കാണ് ഒ ടി പി ലഭിക്കുക.

അതിനായി ഉദ്യോഗാർഥികൾ നിലവിൽ ഉപയോഗിക്കുന്ന മൊബൈൽ നമ്പർ, ഇമെയിൽ എന്നിവ നിർബന്ധമായും പ്രൊഫൈലിൽ അപ്‌ഡേറ്റ് ചെയ്യണം. ആറ് മാസം കൂടുമ്പോൾ പാസ്‌വേഡ് പുതുക്കുകയും വേണം.