അബുദാബിയില്‍ മലയാളി യുവതി മരിച്ച നിലയില്‍; ഭര്‍ത്താവ് ഗുരുതരാവസ്ഥയില്‍

അബുദാബി: മലയാളി യുവതിയെ അബുദാബിയില്‍ മരിച്ച നിലയില്‍ കണ്ടെത്തി. കണ്ണൂര്‍ ചിറയ്ക്കല്‍ മാടത്തുകണ്ടി പാറപ്പുറത്ത് സ്വദേശിനി മനോഗ്ന (31) ആണ് മരിച്ചത്.

കൈ ഞരമ്ബ് മുറിച്ച്‌ ആത്മഹത്യചെയ്ത നിലയിലാണ് ഇവരെ കണ്ടെത്തിയത്. യുവതിയുടെ ഭർത്താവിനെയും കൈ ഞരമ്ബ് മുറിച്ച്‌ ഗുരുതരാവസ്ഥയില്‍ കണ്ടെത്തി. തുടർന്ന് ഇയാളെ ആശുപത്രിയില്‍ പ്രവേശിപ്പിച്ചു.

മരിച്ച മനേഗ്നയുടെ മൃതദേഹം മോർച്ചറിയിലേക്ക് മാറ്റി. ആത്മഹത്യയ്ക്ക് പിന്നിലെ കാരണം വ്യക്തമല്ല. സംഭവത്തില്‍ പോലീസ് കേസെടുത്ത് അന്വേഷണം ആരംഭിച്ചു.