യെമനിൽ ഇസ്രയേൽ ​വ്യോമാക്രമണം: 3 പേർ മരിച്ചു, നിരവധി പേർക്ക് പരുക്കേറ്റു

യെമനിലെ ഹുദൈദയിൽ ഇസ്രയേൽ ​വ്യോമാക്രമണം. മൂന്നുപേർ മരിക്കുകയും 87 പേർക്ക് പരുക്കേറ്റെന്നുമാണ് വിവരം. വ്യാപക നാശനഷ്ടം സംഭവിച്ചതായും​ റിപ്പോർട്ടുണ്ട്​. ഹുദൈദ തുറമുഖത്തോടുചേർന്ന എണ്ണ സംഭരണ, വൈദ്യുത കേന്ദ്രങ്ങൾ ലക്ഷ്യമിട്ടാണ് വ്യോമാക്രമണം നടന്നത്. തെൽ അവീവ് ഡ്രോൺ ആക്രമണത്തിനുള്ള പ്രതികാരമാണ്​ ഹുദൈദക്ക്​ നേരെയുള്ള സൈനിക നടപടിയെന്ന്​ ഇസ്രായേൽ അറിയിച്ചു. ആ​ക്രമണത്തിൽ തങ്ങൾ നേരിട്ട്​ പ​ങ്കെടുത്തില്ലെന്നാണ്​ അമേരിക്കൻ പ്രതികരണം. ഇസ്രായേലിലേക്കുള്ള കപ്പലുകൾക്ക്​ നേരെ കഴിഞ്ഞ മാസങ്ങളിൽ ഹൂതികൾ വ്യാപക ആക്രമണം നടത്തിയിരുന്നു. ഇരുനൂറോളം ഡ്രോണുകൾ ഹൂതികൾ ഇസ്രയേലിനു നേരെ കഴിഞ്ഞ ഒമ്പത്​ മാസത്തിനിടയിൽ അയച്ചതായും എന്നാൽ ഇപ്പോൾ മാത്രമാണ്​ തങ്ങൾ തിരിച്ചടിക്കുന്നതെന്നും സൈനിക നേതൃത്വം അറിയിച്ചു. ഹൂതികൾക്കും അവരെ പിന്തുണക്കുന്നവർക്കുമുള്ള മുന്നറിയിപ്പാണിതെന്നും പറഞ്ഞു.