നിപ ആശങ്ക: തിരുവാലിയിൽ 49 പനിബാധിതരെ കണ്ടെത്തി: കണ്ടെയ്മെൻ്റ് സോണുകളിൽ നിയന്ത്രണങ്ങൾക്ക് മാറ്റമില്ല

മലപ്പുറം: നിപ മരണം സ്ഥിരീകരിച്ച മലപ്പുറം തിരുവാലിയിൽ കർശന നിയന്ത്രണങ്ങൾ തുടരുന്നു. രോഗലക്ഷണങ്ങളുള്ളവരെ കണ്ടെത്തുക എന്ന ലക്ഷ്യത്തിൽ ഇവിടെ ആരോ​ഗ്യ വകുപ്പ് നടത്തിവരുന്ന സർവേയും പുരോ​ഗമിക്കുകയാണ്. ഇന്നലെ നടത്തിയ സർവേയിൽ സമ്പർക്ക പട്ടികയിലുള്ള ഒരാളടക്കം 49 പനി ബാധിതരെയാണ് കണ്ടെത്തിയിട്ടുള്ളത്.

നിപ വൈറസ് ബാധിച്ച് മരിച്ച വിദ്യാർത്ഥിയുടെ റൂട്ട് മാപ്പ് പുറത്തുവിട്ടതോടെ സമ്പർക്ക പട്ടിക ഇനിയും ഉയരുമെന്നതിൽ സംശയമില്ല. മലപ്പുറം ജില്ലയിലെ തിരുവാലി പോലെതന്നെ, മമ്പാട് പഞ്ചായത്തുകളിലെ കണ്ടെയ്മെൻ്റ് സോണായ വാർഡുകളിലും കർശന നിയന്ത്രണങ്ങൾ തുടരുകയാണ്. ഇതിനായി പോലീസി​ന്റെ സഹായവും തേടിയിട്ടുണ്ട്.