ഒരു ദുരന്തഘട്ടത്തിൽ നിൽക്കുന്ന കേരളത്തെ ഇനിയും അപമാനിക്കരുത്’: വയനാട് വ്യാജ വാർത്തയിൽ പ്രതികരിച്ച് മന്ത്രി കെ രാജൻ

വയനാട് ദുരന്തവുമായി ബന്ധപ്പെട്ട ഇന്നലെ ചില മാധ്യമങ്ങൾ  നൽകിയ

വ്യാജ വാർത്തയിൽ പ്രതികരിച്ച് മന്ത്രി കെ രാജൻ. ഒരു ദുരന്തഘട്ടത്തിൽ നിൽക്കുന്ന കേരളത്തെ ഇനിയും അപമാനിക്കരുത് എന്ന് താൻ അഭ്യർഥിക്കുന്നുവെന്ന് അദ്ദേഹം പറഞ്ഞു. ആദ്യം നൽകിയ വാർത്ത വ്യാജമെന്ന് തിരിച്ചറിഞ്ഞിട്ടും അത് തിരുത്താതെ കൂടുതൽ ചർച്ചകൾക്ക് മാധ്യമങ്ങൾ പോകരുതെന്നും അദ്ദേഹം പറഞ്ഞു. കേരളത്തിലായിരുന്നു മന്ത്രിയുടെ പ്രതികരണം.രക്ഷാപ്രവർത്തനം നടക്കുന്നതിനിടെ ഓഗസ്റ്റ് പതിനേഴിന് കേന്ദ്ര സർക്കാരിന് മുൻപാകെ സമർപ്പിച്ച മെമ്മോറാണ്ടത്തിൽ അവതരിപ്പിച്ച കണക്കുകളുടെ ചില ഭാഗങ്ങൾ കോടതിയിൽ സമർപ്പിച്ച ചെലവുകയായി എങ്ങനെയാണ് മാറിയതെന്നും എസ്ഡിആർഎഫ്, എൻഡിആർഎഫ് മാനദണ്ഡങ്ങൾ ലംഘിച്ച് എങ്ങനെയാണ് തുക എഴുതി എടുക്കുന്നത് എന്നും അദ്ദേഹം ചോദിച്ചു.