ഒക്ടോബര്‍ രണ്ടിന് സിവില്‍ സ്റ്റേഷനില്‍ നടക്കുന്ന ശുചീകരണ പ്രവര്‍ത്തനങ്ങളില്‍ മുഴുവന്‍ ജീവനക്കാരും പങ്കെടുക്കണം; ജില്ലാ കളക്ടര്‍
ജില്ലയിലെ 777 വാര്‍ഡുകളിലും മാലിന്യ മുക്തവുമായി ബന്ധപ്പെട്ട പദ്ധതികളുടെ ഉദ്ഘാടനം നടക്കും. ഒക്ടോബര്‍ രണ്ടിന് ആരംഭിച്ച് 2025 മാര്‍ച്ച് 30ന് അവസാനിക്കുന്ന ജനകീയ കാമ്പയിനില്‍ സമൂഹത്തിന്റെ വിവിധ മേഖലകളിലെ പ്രമുഖരും പൊതുജനങ്ങളും പങ്കാളികളാകും.
നിലവില്‍ കാസര്‍കോട് ജില്ലയിലെ ഓഫീസുകളും വിദ്യാലയങ്ങളുമായി 1200 ഓളം ഹരിത സ്ഥാപനങ്ങളാണുള്ളത്. നവംബര്‍ ഒന്നിനകം പരമാവധി ഓഫീസുകളും വിദ്യാലയങ്ങളും ഹരിത ഓഫീസുകളായി പ്രഖ്യാപിക്കുന്നതിനുള്ള പ്രവര്‍ത്തനങ്ങളും നടന്നു വരികയാണ്. സംസ്ഥാന തലം മുതല്‍ വാര്‍ഡ് തലം വരെയുള്ള കര്‍മ്മ സമിതികള്‍ ക്യാമ്പയിന്‍ ഏറ്റെടുത്ത് ജനകീയ പങ്കാളിത്തത്തോടെ മുന്നോട്ട് പോവുകയാണ്. നവകേരളം കര്‍മ്മ പദ്ധതി ജില്ലാ കോര്‍ഡിനേറ്റര്‍ കെ. ബാലകൃഷ്ണന്‍ ആമുഖ പ്രഭാഷണം നടത്തി. യോഗത്തില്‍ തദ്ദേശ സ്വയംഭരണ വകുപ്പ് ജോയിന്റ് ഡയറക്ടര്‍ ജെയ്സണ്‍ മാത്യു ഹരിത ഓഫീസ് മാനദണ്ഡങ്ങള്‍ വിശദീകരിച്ചു. വിവിധ വകുപ്പുകളുടെ ജില്ലാതല ഉദ്യോഗസ്ഥര്‍ പങ്കെടുത്തു.
About Soorya
No comments
Post a Comment