റെയിൽവേയിൽ ജോലി വാഗ്ദാനം ചെയ്ത് 10 ലക്ഷം രൂപ തട്ടിയതായി പരാതി

ചാലോട് :- ഇന്ത്യൻ റെയിൽവേയിൽ ജോലി വാഗ്ദ‌ാനം ചെയ്ത‌് 10 ലക്ഷം രൂപ കൈക്കലാക്കിയെന്ന് പരാതി. കഴിഞ്ഞ വർഷം ഒക്ടോബ റിൽ കൂടാളി സ്വദേശിയിൽ നിന്ന് ജോലി വാഗ്ദാനം ചെയ്‌ത്‌ 2 തവണയായി 10 ലക്ഷം രൂപ കൈക്കലാക്കിയെന്നാണ് പരാതി. കണ്ണൂർ ജില്ലയിലെ മക്രേരി, ചൊക്ലി എന്നിവിടങ്ങളിലെ 2 പേർക്കെതിരെയും കൊല്ലം ജില്ലയിലെ 3 പേർക്കെതിരെയുമാണ് പരാതി നൽകിയത്. 

രേഖകളും സീലും വ്യാജമായി ഉണ്ടാക്കി വ്യാജ അപ്പോയ്മെന്റ് നൽകി കബളിപ്പിച്ചു എന്നാണ് പരാതി. പരാതിയുടെ അടിസ്ഥാനത്തിൽ മട്ടന്നൂർ പോലീസ് കേസ് എടുത്ത് അന്വേഷണം ആരംഭിച്ചു. സമാന രീതിയിൽ കഴിഞ്ഞ ദിവസം കീഴല്ലൂർ സ്വദേശിയും പരാതി നൽകിയിരുന്നു.