അറസ്റ്റ് ഒഴിവാക്കാന് പണം വേണം'; സിബിഐ ഓഫീസര് ചമഞ്ഞ് പ്രവാസിയില് നിന്ന് 12 ലക്ഷം തട്ടി; രണ്ട് പേര് പിടിയിൽ
ഓഗസ്റ്റ് ആറ് മുതല് എട്ട് വരെയുള്ള ദിവസങ്ങളില് പ്രവാസി തന്റെ ബാങ്ക് അക്കൗണ്ട് വഴി പണം പ്രതികള്ക്ക് പണം അയച്ചു നല്കി. പണം ലഭിച്ചതോടെ പ്രതികള് ഫോണ് ഓഫ് ചെയ്ത് മുങ്ങി. പിന്നാലെ പ്രവാസി പൊലീസില് പരാതി നല്കുകയായിരുന്നു. അന്വേഷണത്തില് ഇര്ഫാനും ജിതിനും കണ്ണികളാണെന്ന് വ്യക്തമായതായി ടൗണ് പൊലീസ് ഇന്സ്പെക്ടര് ശ്രീജിത്ത് കൊടേരി പറഞ്ഞു. പിന്നില് വന് റാക്കറ്റുണ്ട്. അറസ്റ്റിലായ ഇര്ഫാനാണ് പ്രധാന കണ്ണി. ബാങ്ക് അക്കൗണ്ട് എടുത്തുകൊടുക്കുന്നത് ജിതിന് ദാസാണ്. പ്രവാസിയില് നിന്ന് തട്ടിയെടുത്ത പണം ബാങ്കില് നിന്ന് ഇര്ഫാന് എടുത്തുകൊടുത്തത് ജിതിനാണെന്നും പൊലീസ് പറഞ്ഞു. പ്രതികളെ വിശദമായി ചോദ്യം ചെയ്യേണ്ടതുണ്ടെന്നും പൊലീസ് അറിയിച്ചു.
No comments
Post a Comment