കണ്ണൂർ - തിരുവനന്തപുരം റൂട്ടിൽ എയർ ഇന്ത്യ എക്സ്പ്രസ് ബുക്കിങ് ആരംഭിച്ചു

മട്ടന്നൂർ :- വിൻ്റർ ഷെഡ്യൂളിൽ എയർ ഇന്ത്യ എക്സ്പ്രസ് കണ്ണൂർ - തിരുവനന്തപുരം റൂട്ടിൽ ടിക്കറ്റ് ബുക്കിങ് തുടങ്ങി. 3100 രൂപ മുതലാണ് ടിക്കറ്റ് നിരക്ക്. തിങ്കൾ, വ്യാഴം ദിവസങ്ങളിൽ സർവീസ്. കഴിഞ്ഞ ആഴ്ച വരെ തിങ്കൾ, ശനി ദിവസങ്ങളിലായിരുന്നു സർവീസ്. എയർ ഇന്ത്യ എക്സ്‌പ്രസിന് കണ്ണൂരിൽ നിന്നുള്ള ഏക ആഭ്യന്തര സർവീസാണ് തിരുവനന്തപുരം സർവീസ്. 

2023 നവംബറിലാണ് ആദ്യമായി വിന്റർ ഷെഡ്യൂളിൽ ഉൾപ്പെടുത്തി എയർ ഇന്ത്യ എക്സ്പ്രസ് ആഴ്ച‌യിൽ 2 ദിവസം ടിക്കറ്റ് ബുക്കിങ് തുടങ്ങിയത്. എയർ ഇന്ത്യ എക്സ്‌പ്രസിന് പുറമേ ഇൻഡിഗോയും കണ്ണൂരിൽ നിന്ന് തിരുവനന്തപുരം സെക്ടറിൽ സർവീസ് നടത്തുന്നുണ്ട്. എന്നാൽ ഇൻഡിഗോ കൊച്ചി വഴിയാണ് തിരുവനന്തപുരം സർവീസ് നടത്തുന്നത്.