മേരിക്കുണ്ടൊരു കുഞ്ഞാട് ചിത്രത്തിലെ ബാലതാരം; നികിതാ നയ്യാർ അന്തരിച്ചു

സെന്റ് തെരേസാസ് കോളജ് മുൻ ചെയർപഴ്സൻ നികിതാ നയ്യാർ (21) അന്തരിച്ചു. ബിഎസ്സി സൈക്കോളജി വിദ്യാർഥിനിയായിരുന്നു. വിൽസൺസ് ഡിസീസ് എന്ന അപൂർവ രോഗബാധയ്ക്ക് ചികിത്സയിലിരിക്കെയാണ് അന്ത്യം. ഷാഫി സംവിധാനം ചെയ്ത മേരിക്കുണ്ടൊരു കുഞ്ഞാട് എന്ന ചിത്രത്തിൽ ബാലതാരമായി അഭിനയിച്ചിട്ടുണ്ട്.

രോഗം ബാധിച്ചു കഴിഞ്ഞ് രണ്ടുവട്ടം കരൾ മാറ്റിവയ്ക്കൽ ശസ്ത്രക്രിയയ്ക്ക് വിധേയയായി.

രണ്ടാമത്തെ ശസ്ത്രക്രിയ ഒരാഴ്ച്‌ച മുൻപായിരുന്നു. പിതാവ്: ഡോണി തോമസ് (യുഎസ്എ), അമ്മ: നമിതാ മാധവൻകുട്ടി (കപ്പാ ടിവി). പൊതുദർശനം തിങ്കളാഴ്ച്‌ച രാവിലെ എട്ട് മുതൽ ഇടപ്പള്ളി നേതാജി നഗറിലെ വീട്ടിൽ നടക്കും. കൊല്ലം കരുനാഗപ്പള്ളി സ്വദേശിനിയാണ് നികിത. സംസ്കാരം കൊച്ചിയിൽ